KETA UZA
LORON 14 FEVREIRU
HODI LOHI DOBEN MONU BA TERUS
Historikamente
iha sékulu III Imperador Romano ( claudio II), la fó oportunidade ba soldadu
sira atu kazamentu iha momentu ne’ebá maibe iha momentu ne’ebá Santo Valentino nu’udar
saserdotes katoliku la obdese no fó kazamentu subar-subar ba joven sira ne’ebé HADOMI MALU no hakarak ona forma familia foun, ho sala ida
ne’e Imperador Romano kaer no kastigu i ikus oho Santo Valentino iha Loron 14 fulan fevreiru tinan 270 a.c.,
hahú husi ne’e ema selebra 14 fevreiru
nu’udar loron domin nian.
Tamba
ne’e Iha nasaun barak mós selebra loron 14 fevreiru
i inklui Timor-Leste mós agora sidadaun balun kada tinan-tinan sempre selebra Loron 14
FEVREIRU tamba ema hanaran ona loron
ne’e hanesan loron DOMIN nian. Iha ema barak mós seidauk hatene historia
loron ida ne’e nian maibe sira la’o tuir tamba ambiente mak orienta ona sira
nia hanoin hanesan ne’e.iha ema balun mós la preokupa konaba loron ida ne’e, i iha
ema balun mós preokupadu loos konba loron ida ne’e tamba hakarak oferese buat
di’ak ruma ba nia doben.
Liu husi simbolu oi-oin ne’ebé
uza hodi hatudu ba doben maibe iha nia sentidu ida de’it katak nia mós iha duni
Domin ba nia doben.simbolu ne’ebé
dala barak ema uza maka hanesa ai-funan, bonéka,faru,kalsa,tesi ketas modelu
hanesan fuan (kurasaun),brinkus,kadeli,relojiu, no nst,.
Oferese buat hirak ne’e hotu tamba Domin,agradese
tamba hatudu ona Domin ne’ebé Loos ba doben maibe keta iha intensaun at ruma mak obriga ó
oferese simbolu hira ne’e, di’ak liu lalais hapara ona intensaun at ne’e iha ó-nia
hanoin tamba wainhira realiza sei
estrega doben nia moris tomak.ho nune’e, keta hadomi nia tan interese estraga
nia,keta uza domin atu halo moe nia,keta uza domin hodi aproveita nia isin,keta
uza ó-nia di’ak habosok nia monu lalais ba ó-nia lasu at ne’e,sé ó hadomi nia hatudu
domin loloos ba nia.
Liafuan domin susar atu esplika
maibe liu husi ó-nia hahalok pasensia,laran di’ak,halo nia kontenti,dame,fiar
nia, honestu ba nia,buat hirak ne’e funsiona no hahalok at sei la estrega ó-nia
konsensia di’ak hotu maka ikus liu tenki kontrola an i haforsa liu tan konsensia
di’ak maka kaer metin Maromak Nia Lia Fuan Hateten Hadomi Ema Seluk Hanesan
Ita Nia An Rasik.
Tamba ne’e husu keta uza loron sira
hanesan ne’e hodi estrega doben nia
moris no nia mehi tomak ne’ebé nia iha.importante hadomi nia hanesan hadomi ó-nia
an,respeitu nia,tau fiar ba nia,tau as nia dignidade,respeitu nia frakeija hotu
mak ó hatene, fó korajen ba nia wainhira nia iha triste laran, tenki pratika
buat di’ak hirak ne’e no ó ho nia sei
la’o iha domin loos nia laran i imi rua sei iha diferentes bo’ot entre ema
seluk. oinsá atu haburas domin buat simples tolu ne’ebé importante, primeiru fiar malu;segundu respeitu
malu;terseiru tau nia iha ó-nia orasaun no iha o-nia fuan, hirak ne’e hotu sei
lori buat di’ak iha ó-nia moris tomak. Maromak Fó Bensaun.
“Liafuan
ikus husi Santo Valentino
Vive ate hoje”!
Hakerek : Ajor Domingos Amaral
Data : 14/ 02/ 2019